Tàm pơrjum, Tỉñ ủy càr Dăk Lăk yal ală jơnau lơh nền ai tơngŏ broă tam gơl tàm broă rơndăp lơh bal mờ kwang bàng càr dê. Mùl màl: Crơng gơs Đảng ƀộ ală anih lơh broă Đảng càr mờ Đảng ƀộ Anih duh broă Làng bol càr. Jơnau lơh nền tơrgùm Mpồl Mblàng yal bơto bơtê Tỉñ ủy mờ Mpồl Hòi jà làng bol Tỉñ ủy. Jơnau lơh nền tơn jơh lơh broă ală đảng đoàn, Mpồl kwang bàng đảng Mpồl sền gàr bơta pràn kơl dang să jan kwang bàng càr, Đảng ƀộ mpồl ală anih lơh broă bal mờ mpồl lơh sa kă bro càr.

Tơn jơh lơh broă Sờh lơh kơnòl broă mờ lơgar ndai, mờ jào kơnòl broă ai Mpồl Niam chài mpồl bơtiàn gơwèt Mpồl duh broă Làng bol càr. Tơn jơh lơh broă Mpồl Jơi bơtiàn Mpồl duh broă Làng bol càr, jào kơnòl broă rê Mpồl Niam chài Mpồl bơtiàn gơwèt Mpồl duh broă Làng bol càr. Kung tàm pơrjum, càr Dăk Lăk yal ală jơnau lơh nền tàm pơrjum kwang bàng jơh sơnam lơh broă gơwèt mờ ờ uă kwang đơng lam bồ tờm càr dê.