Mùl màl, tơnơ̆ tŭ tơmut bal, ƀòn dờng Gia Nghiã bơh 8 sàh, sơnah ƀòn rơp gơ gơs 3 sơnah ƀòn; kơnhoàl Cư Jút bơh 7 xã mờ ƀòn drà dềt gam 3 sàh.

Kơnhoàl Dăk Mil bơh 10 sàh, ƀòn drà dềt gam 4 sàh; kơnhoàl Krông Nô bơh 11 sàh mờ ƀòn drà dềt tơmut bal gơs 4 sàh; kơnhoàl Dăk Glong bơh 7 sàh tơmut bal gơs 3 sàh; kơnhoàl Dăk Song bơh 9 sàh, ƀòn drà dềt gam 4 sàh; kơnhoàl Dăk Rlâp tơmut bal 11 sàh, ƀòn drà dềt gơs 3 sàh; kơnhoàl tiah nhàr lơgar Tuy Đức bơh 6 sàh bè tŭ do tơmut bal gơs 3 sàh. Broă sap sèng wơl ală mpồl lơh broă sră pơ àr gơnoar atbồ kâp sàh tàm càr Dăk Nông nàng kờñ rề ơnàng ù tiah bơtàu tơnguh ai ală càr in, sơlơ tơnguh cồng nha atbồ dà lơgar, tơrmù mpồl lơh broă sră pơ àr gơnoar atbồ, ngui niam priă jền, wèt tus bơtàu tơnguh kơ̆ kơljap mờ jŏ jòng tàm tơngai pa.