Càr Dăk Nông rơ̆p tơrmù di pal 20% khà cau lơh broă dờp sa priă nhai bơh kes priă dê tàm 5 nam. Mò Nguyễn Thị Thu Hường, Kwang la bồ Sở Kơnòl broă Tàm dơlam is càr Dăk Nông pà git, càr do gam lơh ngan lơh jăt Jơnau lơh nền tàm pơrjum sồ 18 bơh Dà lơgar dê di jăt tơngai geh ai.

Jăt mờ hơ̆, càr neh geh gùng dà broă lơh tơn jơh lơh broă 10 mpồl, anih lơh broă, mpồl lơh broă kấp càr; tơrgùm 10 sở gơs 5 sở. Broă rơndăp tăp sèng, bơtơl kwang bàng, tàm hơ̆ uă ngan là cau lam bồ tàm ală mpồl lơh broă geh tơrgùm bal lơh jăt broă lơh ndrờm bal, di pal, loh làng mờ ờ geh bơta ờ niam, bơta kwơ mpồl, tam cah is mpồl lơh broă tàm broă rơndăp tăp sèng mpồl kwang bàng lơh broă bal mờ kwang bàng. Mờ gùng dà broă rơndăp tăp sèng geh lơh jăt nùs nhơm tơrgùm bal geh gơnoar kơnòl, broă rơndăp lơh, mpồl kwang bàng, cau lơh broă, hìu lơh broă bơh mpồl lơh broă, anih lơh broă, mpồl lơh broă lài mờ tơnơ̆ mờ tŭ rơndăp tăp sèng.