Jăt mờ hơ̆, Mpồl duh broă Đảng ƀộ càr Dăk Nông tơlik jơnau lơh nền tàm pơrjum nàng tơrgùm bal Mpồl Mblàng yal bơto bơtê Tỉñ ủy mờ Mpồl Hòi jà Làng bol Tỉñ ủy gơs Mpồl Mblàng yal bơto bơtê mờ Hòi jà Làng bol Tỉñ ủy càr Dăk Nông bơh ngai 01 nhai 3.

Ồng Lê Văn Chiến geh pồ at kơnòl broă Kwang lam bồ mpồl. Bal mờ broă tơn jơh lơh broă  Đảng ủy Mpồl ală anih lơh broă bal mờ Mpồl lơh sa kă bro, càr Dăk Nông lơh gơs Đảng ƀộ Ală anih lơh broă Đảng càr Dăk Nông mờ Đảng ƀộ Anih duh broă Làng bol càr Dăk Nông. Ồng Lưu Văn Trung, Phó Ƀí thư Duh broă sùm Tỉñ ủy, Củ tịc Mpồl duh broă Làng bol càr geh pồ at gơnoar broă Ƀí thư Đảng ủy Ală anih lơh broă Đảng càr Dăk Nông. Ồng Hồ Văn Mười, Củ tịc Anih duh broă Làng bol càr Dăk Nông at gơnoar broă Ƀí thư Đảng ủy Anih duh broă Làng bol càr Dăk Nông. Mpồl duh broă lơh kơnòl broă sùm Tỉñ ủy càr Dăk Nông geh jơnau lơh nền tàm pơrjum nàng ntrờn mò Nguyễn Thị Thu Hường, Kwang lam bồ Sở Nội vụ at gơnoar broă Phó Kwang lam bồ Mpồl rơndăp broă Tỉñ ủy bơh ngai 15 nhai 2 nam 2025. Ntrờn pồ ồng Đỗ Tấn Sương, Củ tịc Anih duh broă Làng bol ƀòn dờng Gia Nghĩa tus dờp broă lơh tàm Sở Nội vụ nàng Anih duh broă Làng bol càr Dăk Nông pồ at gơnoar broă Kwang lam bồ Sở Nội vụ càr Dăk Nông.