Tàm Ratanakiri, bơh jơnau yal ồng Sêu Than ơm tàm ƀòn Lâm, sàh Bọ Nhầy, kơnhoàl Oyadav dê, mpồl lòt jòi neh git nền, lòt sền tiah brê Mung Tum, ơm ngài ƀòn mờr 9 kơi sồ rê hờ tiah đah mat tơngai lik, mờ rờ tơrgùm geh 2 ƀồc ntìng cau chơt màng.

Tàm Stung Treng, bơh jơnau yal ồng Đeng Keo dê, 76 sơnam ơm tàm ƀòn Phum Pha Bang, sàh Thmor Keo, kơnhoàl Siêm Pang, Mpồl K52 lòt jòi hờ ngkời ƀòn Nhang Sum mờ rờ tơrgùm geh 1 ƀồc ntìng cau chơt màng. Ală ƀồc ntìng do ờ hềt git mat sơnđan, geh git nền chơt phi să tàm rài tam lơh dră wơl bol sò tơm Mỹ. Mpồl lòt jòi kung git gŏ uă phan lời wơl bè kơ cing àu, zep kau su, cờ-men, bơngàn ù buh mờ tual tang. Lam lơh Broă lơh dờng “500 ngai mang”, bơh ngai 13/8 tus tŭ do, Mpồl K52, càr Gia Lai neh rờ tơrgùm geh 5 ƀồc ntìng cau chơt màng.