Lài mờ hơ̆, tàm drim do, Quốc hội rơ̆p pờ tê ring bal 03 adăt, 08 Jơnau lơh nền tàm pơrjum. Quốc hội rơ̆p pờ tê ring bal Jơnau lơh nền tàm pơrjum bơh Quốc hội dê bè broă rơcang kơrian cau tìs mờ tìs adăt boh lam, broă lơh bơh Anih kơlôi sơnơng sền gròi làng bol, bơh Anih cah rơña làng bol mờ broă lơh jăt cah rơña (ala Jơnau lơh nền tàm pơrjum sồ 96 bơh Quốc hội dê).

Quốc hội ring bal Jơnau lơh nền tàm pơrjum bơh Quốc hội dê bè tơrmù dia priă geh să tờm, tă dia priă geh mpồl lơh sa kă bro gơwèt mờ cau dùl nă să mờ mpồl lơh sa kă bro; Jơnau lơh nền tàm pơrjum bơh Quốc hội dê bè broă tam cah Rơndăp broă lơh ồs đèng hạt nhân Ninh Thuận gơs ală rơndăp broă lơh krơi is; Jơnau lơh nền tàm pơrjum Quốc hội kĭ gùng dà bơcri priă Broă lơh jơnau kờñ dà lơgar bơtàu tơnguh niam chài mpồl bơtiàn, ƀòn lơgar, jơi bơtiàn mờ tiah kơh bơnơm tơngai bơh nam 2026 tus 2035. Bơh 2 jơnau lơh nền tàm pơrjum bơh Quốc hội dê bè broă crơng gơs ƀòn dờng Quảng Ninh; crơng gơs ƀòn dờng Bắc Ninh. Mho do, Quốc hội pờ tê ring bal 05 adăt, 03 jơnau lơh nền tàm pơrjum mờ pơrjum tơn jơh dar Pơrjum ờ bè ờs dơ̆ sơnrờp, Quốc hội khóa XVI.