Broă lơh geh bơyai lơh tàm sàh Ea Knuếc, do là tiah tam tờm sầu riêng uă ngan càr Dăk Lăk dê. Bơta tờm bơh broă lơh là broă wă rò “Ùr hàng sầu riêng”, bơh tờm dờng rê tus tiah lơh chờ. Broă lơh kờñ răc dan geh hờm ram kòn cau Rơđê dê kung geh lơh wơl, ai tơngŏ jơnau kơ̆p gơn kàl lơh sa ƀuơn, sầu riêng geh tơnhào uă, tăc geh priă, ƀòn lơgar hờm ram.

Mpồl broă lơh “Ea Knuếc mŭt kàl tơnhào” gam geh drà ràng tơlik phan kă bro, ràng tơlik phan OCOP, phan geh lơh bơh broă lơh sa suơn sre, phan sa, lòt sền suơn mờ livestream yal sầu riêng tàm măi mok sồ. Bơh tŭ hơ̆, nùs nhơm Lơh chờ Sầu riêng càr Dăk Lăk geh lơh uă tus tàm tiah lơh sa, ai làng bol, cau năc bal mờ drà kă bro tus rềp rơlao mờ cau tam. Sàh Ea Knuếc tŭ do là dùl tàm ală tiah tam sầu riêng dờng ngan càr Dăk Lăk dê mờ mờr 6 rơbô lồ, rơlao 2 rơbô 800 lồ gam ai tơnhào, khà geh kờp dŭ rơlao 70 rơbô tấn, kờp jơh priă geh di pơgăp 4 rơbô tơmàn đong.