Đơs sùm gơnoar broă bơceh lơh tiah ƀuơn ngan ai bơtàu tơnguh bơh bàr anih lơh broă lơh adat boh lam dê, Chủ tịch Quốc hội Việt Nam sồr bàr gah sơlơ pơgồp bal tàm broă sồr lơh ngan, jăt sền broă cribơyai, kĭ hơ mờ lam lơh ală sră nggal, jơnau ring bal tờm bè Jơnau Kĭ hơ bal tơngume lơh broă bal đah 2 Chính phủ, Jơnau kĭ hơ pleh gơtìp tă dia 2 dơ̆ mờ Jơnau kĭ hơ pơn jờng mờ sền gàr dong bơcri priă lơh.

Bàr gah ring bal sơlơ tơnguh tai tàm pơgơl jơnau yal, sền gĭt di tŭ ală broă lơh mờ jơnau sồr pa bal mờ gơ̆p dê, ngan là ală broă lơh geh gơrềng tus tăc phan mờ lơgar ndai, gơ hòi gơ bơcri priă bơh lơgar ndai. Bè lơh broă bal uă lơgar, 2 kwang đơng lam bồ đơs nền 2 lơgar rơ̆p sơlơ tơnguh tai lùp lăp, pơn jat tai lời ai bal mờ gơ̆p in ală nùs nhơm niam bơnĕ mờ bơta kờñ bal dờng màng tàm ală anih cribơyai ală lơgar, ngan là ală anih cribơyai Nghị viện uă lơgar bè Mpồl tam klăc Nghị viện Dunia (IPU), Mpồl tam klăc bal Nghị viên đơs dà Tây (APF).