Đơs sồr lơh tàm dơ̆ lơh broă, ồng Tô Lâm, Tổng Bí thư, Chủ tịch lơgar sồr Hìu bơsram kơlôi sơnơng Chính trị Dà lơgar Hồ Chí Minh kờñ pal sền đơs di cồng nha, sền song tàm ală bơta ờ hềt pràn jak mờ đal gĭt loh ală jơnau sồr bơh Hìu bơsram kơlôi sơnơng dê, mơkung pal sền swì gĭt nền loh anih, gơnoar broă mờ jơnau sồr bơtàu tơngguh Hìu bơsram kơlôi sơnơng tàm tơngai pa. Tổng Bí thư, Chủ tịch lơgar sồr Hìu bơsram kơlôi sơnơng pal tam gơl pa ndrờm bal gùng dà lơh broă, lơh gơlik tam gơl loh bè bơta niam mờ cồng nha.

Jăt tàm nùs nhơm hơ̆, Tổng Bí thư, Chủ tịch lơgar geh 5 jơnau sồr gơ wèt mờ Hìu bơsram kơlôi sơnơng; Tàm hơ̆ pal tơngguh broă kơlôi sơnơng cribơyai, tơn jơh mùl màl, bơto pơlam jŏ jòng mờ sền gàr bơta tờm bồ tơngoh Đảng dê; Mơkung pal tam gơl pa jơh, tơl làm bơto bơtê, tề lam jăt gùng bơtàu tơngguh phan bơna mờ pràn jak kwang bàng. Tổng Bí thư, Chủ tịch lơgar đơs sùm Hìu bơsram kơlôi sơnơng pal là anih tơl nă kwang bàng tŭ lik bơh klờng Đảng pal kơ̆ kơl jăp rlau bè bơta khin cha, àng loh rlau bè bồ tơngoh cribơyai, jơnhoa rlau bè kơnòl, lơh broă cồng nha rlau tài Đảng, tài dà lơgar, tài làng bol.