Tus bal mờ đơs tàm dơ̆ tơlik mat, mò Nguyễn Thị Thanh - Phó Chủ tịch Quốc hội sồr tơl nă cau ala mat kờñ pal tơnguh khà dơ̆ lơh broă, bơta jơh nùs mờ bơta pràn bơceh lơh nàng kờñ lơh jat niam jơnau sồr tam gơl pa tàm rài bơtàu tơnguh pa dà lơgar dê. Phó Chủ tịch Quốc hội đơs sùm, Cau ala mat Quốc hội là cau tờm tàm tơl broă lơh Quốc hội dê, tàm hơ̆ mpồl mìng drơng dùl kơnòl geh gơnoar broă tờm ngan. Tŭ do, jơnau sồr bơt bơtàu adat boh lam ngai sơlơ uă, sồr broă lam lơh sền swì, ring bal rơndap lơh adat boh lam geh tơrmù lơyah. Bè hơ̆ den tàng, ală cau ala mat kờñ pal rơcang lài tam gơl pràn, đòm jat mờng chài mờ sùm là bơta tờm bơh tam gơl pa dê. Jat broă rơndap lơh, bơdìh mờ broă crơng gơs adat boh lam mờ jat sền, pah nam, Mpồl rơp lam lơh ală broă lơh mìng dùl tơngume mùl màl tàm ală ƀòn lơgar nàng kờñ git bơta geh ngan, drơng broă lơh crơng gơs adat boh lam mờ làng bol kơp kờñ.