Tơnơ̆ mờ tŭ Ƀộ Broă dơlam is geh jơnau bơto sồr 2 càr Kon Tum mờ càe Quảng Nam lơh jăt broă wah nhàr tàm tiah rềp bal sàh Trà Vinh gơwèt kơnhoàl Nam Trà My, càr Quảng Nam mờ sàh Đăk Nên gơwèt kơnhoàl Kon Plông, càr Kon Tum, Anih duh broă làng bol càr Kon Tum dan Quốk hội tơn jơh gơkòl gam gơlời là broă làng bol ơm kis.

Jăt mờ hơ̆, Anih duh broă làng bol càr Kon Tum dan Anih duh broă lơh kơnòl broă sùm Quốk hội sền wơl, ring bal bơsong jơh bơta làng bol kis tàm sàh Trà Vinh, kơnhoàl Nam Trà My, càr Quảng Nam ơm kis tàm ù tiah sàh Đăk Nên, kơnhoàl Kon Plông, càr Kon Tum. Nàng bơsong bơta gơkòl, Anih duh broă làng bol càr Kon Tum dan geh 2 gùng dà broă lơh, tàm hơ̆ geh: Tam gơl hìu ơm 187 hìu (1 rơbô 34 nă làng bol) kis tàm thôn 3, sàh Trà Vinh, kơnhoàl Nam Trà My, càr Quảng Nam gơwèt broă atbồ bơh ƀòn dờng Đà Nẵng (tơnơ̆ mờ tŭ tơrmŭt ƀòn dờng Đà Nẵng mờ càr Quảng Nam) ha là tam gơl làng bol rê mŭt tàm càr Quảng Ngãi (tơnơ̆ tŭ tơmŭt càr Quảng Ngãi mờ càr Kon Tum).