Tàm 172 anih kĭ blơi phan geh lơh bơh broă lơh sa suơn sre tàm càr Kon Tum dê mìng geh 20 anih kĭ tơl bơta niam lơh broă. Khà gam tai geh tus 88 anih kĭ pal tă sờr, ntrờn; 64 anih kĭ pal bơtơl sră nggan, sră nggal pa hơ̆ sồng gơtùi lơh broă.

Lơh jăt jơnau sồr bơh Anih duh broă Làng bol càr Kon Tum dê, gơnoar atbồ ală kơnhoàl, ƀòn dờng tàm càr gam lơh ngan lơh glài tìs bơh ală anih kĭ do. Tìs geh uă ngan tàm ală anih kĭ blơi phan geh lơh bơh broă lơh sa suơn sre tàm càr Kon Tum dê là ờ lơh jăt jơnau dan kă bro; ờ lơh jăt nền nòn jơnau geh ai tàm adăt boh lam dê tàm broă ai sră dờp sền nàng git anih kĭ ha là sră dờp sền nàng git neh jơh tơngai lơh broă, mơya ờ lơh jăt broă sền nàng git tai. Tiah lơh anih kĭ ờ di pal mờ rơndăp broă ngui ù; anih kĭ lơh tàm tiah di gơlan gơtìp rềs àr tàm gùng lòt, ờ hềt geh jơnau ring bal tơrbŏ di jăt mờ jơnau geh ai.