Càr Lâm Đồng bơsong tiah tơrlah ù ngòt rơngơ̆t tàm koèl kơh Prenn Dà Làc
Thứ tư, 06:00, 15/07/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Dùl tiah tơrlah pơng gàr hơ hơđang ngòt rơngơ̆t tàm koèl kơh Prenn- Gùng dờng dà lơgar 20, mpồng mut tiah đah Jum mut tàm anih tờm Dà Làc, càr Lâm Đồng dê gam geh anih lơh broă geh gơnoar bơsong nàng kơryan bơta tơrlah gơ hoài ù tàm kàl mìu dà tih dà lìu.
Tàm tiah tơrlah ngài mờ mat gùng koèl kơh dê pơgăp 50 thơk, jòng rlau 100 thơk, mpồl lơh broă ngui măi cŏ ù khà nggờc cŏ ù lŭ, tờm nho gơ pừ lơh geh uă kơnă nàng kơryan tơrlah ù. Ngòt rơngơ̆t ngan rlau jơh tàm tiah tơrlah ù do là ală nai lŭ dờng geh pơphìn gơ bơrlă tàm gùng koèl kơh.
Nàng gàr niam lơngăp lơngai ai ală rơndeh rơndồ in lòt rê tàm gùng, mpồl lơh broă ngui phan kơryan ù nàng kơryan ù lŭ gơ bơrlă bơh pơng gàr đah đăng dê; ờ hoan ai rơndeh rơndồ lòt rê mìng lòt rê nggùl gùng koèl kơh tàm tiah tơrlah lơm. Kờp dŭ broă bơsong tiah tơrlah rơ̆p lơh sir tàm 4 ngai dilah trồ tiah niam.
Viết bình luận