Tàm dơ̆ cri bơyai, làng bol tơlik nùs nhơm pin dờn gơwèt mờ broă đơng lam, sồr lơh bơh kwang đơng lam bồ càr Lâm Đồng dê tàm bơta càr gam gơtìp mờ uă bơta kal ke, tơrlòng.

Mờ kơ̆p kờñ càr Lâm Đồng pal tơrgùm bơtàu tơnguh bơta pràn tàm gah lòt nhơl mờ lơh broă sa suơn sre; lơh pràn broă tam gơl sồ, lơh sa sồ; sền kwơ broă bơcri priă lơh gùng lòt, tàm hơ̆ uă ngan là ală rơndăp broă lơh gùng rơndeh lòt mhar tàm ù gờl bè Tân Phú – Bảo Lộc, Bảo Lộc – Liang Khàng mờ Dà Làc – Nha Trang nàng ƀuơn tàm broă tơrbŏ bal tiah, tàm dơlam tiah, lơh pràn lơh sa mpồl bơtiàn bơtàu tơnguh. Đơs pơn dŭt dơ̆ cri bơyai, ồng Nguyễn Thái Học, Atbồ ing Ƀí thư Tỉñ ủy càr Lâm Đồng đơs nền, kwang đơng lam bồ càr Lâm Đồng nền nòn iăt jơh ală jơnau đơs, jơnau dan, jơnau pơgồp bal bơh ală làng bol. Mờ hơ rơ̆p tơrgùm bơsong ală kal ke, gơkòl do nàng lơh càr Lâm Đồng bơtàu tơnguh tơl ală bơta, kơ̆ kơl jăp.