Jat broă rơndap lơh bal, càr rơp tơrmù 628 hìu bơsram mầm non, pe kâp mờ hìu bơsram bơto bơsram sùm dà lơgar gam 825 hìu bơsram. Broă rơndap tap sèng geh lơh jat gùng dà tơrgùm dùl, rơndap wơl hìu bơsram dipal mờ khà kờp làng bol, ù tiah làng bol ơm kis mờ jơnau sồr atbồ.

Bal mờ hơ̆, Lâm Đồng kờp dŭ tơrmù rlau 1 rbô nă kwang bàng atbồ mờ 680 nă cau lơh broă tàm hìu bơsram, uă ngan là cau lơh broă dờp, prap mờ top ƀang kì sră pơ àr, cau lơh broă sền swì jơnau yal tơnggit bè priă jền, cau prap priă hìu bơsram dê. Ală ƀòn lơgar lơh gơs broă tơng gơs hìu bơsram tơnơ̆ rơndap tap sèng lài ngai 27/8 mờ jàu cau lơh broă, sră pơ àr, priă jền, phan bơna lài mờ ngai 30/8 do. Broă rơndap lơh dờp geh bơta ring bal mpồl cau pơgru dê.