Mờ, càr gàr tơl ală bơta krơi is bè rài lài do, niam chài, bơhiàn ờs mờng, bơta geh ù tiah, sền gàr dà lơgar, lơngăp lơngai bal mờ broă pơgồp bal geh is bơh mpồl bơtiàn ƀòn lơgar dê. Jăt cồng nha sền wơl, geh 124 sàh, sơnah ƀòn, tiah is ồn tàm càr Lâm Đồng tŭ do geh rơlao 2 rơbô 770 thôn, ƀòn.

Gùng dà rơndăp tă sèng lài ngan kờp dŭ gơmù gam rơlao 1 rơbô 200 thôn, ƀòn, ndrờm mờ gơmù rơlao 43%. Mơya, nàng tơnguh cồng nha atbồ broă mờ di pal mờ jơnqau kờñ bơtàu tơnguh tàm tơngai pa, ală tiah gam pơn jăt tai sền wơl nàng lơh ngan geh khà gơmù bơh 50% rơlao hờ đang. Kờp dŭ tus ngai 19 nhai 6, Anih duh broă Làng bol càr rơ̆p ai ngui gùng dà broă lơh tơrgùm bal bè broă rơndăp tăp sèng, tơrgùm thôn, ƀòn, lơh tơngu me nàng ală sàh lơh geh gùng dà broă lơh nền nòn tàm ƀòn lơgar.