Còp să mờ pà phan ală cau ling sồt să, cau ling kòp tê jê să jroă khà 1 bơnah 4 bơh 15 càr, ƀòn dờng tàm gùt lơgar dê gam geh sơm tàm Anih do, ồng Trần Thanh Mẫn, Chủ tịch Quốc hội đơs nền broă drơng gàr cau geh màng mờ dà lơgar, cau ling sồt să, hìu nhă cau chơ̆t màng sùm geh Đảng mờ Dà lơgar ai là kơnòl broă chính trị tờm ngan, ai tơngŏ nùs nhơm “Hùc dà kah tô dà” bơh jơi bơtiàn dê.

Ồng Trần Thanh Mẫn, Chủ tịch Quốc hội sồr tàm tơngai tus, kấp ủy, gơnoar atbồ ƀòn dờng Hồ Chí Minh pơn jăt tai sền gròi lơh pa, lơh niam wơl hìu nùs nhơm, jào khà priă tềm pềr, ai geh broă lơh, bơyai lơh kham, sơm kòp, pà sơnơm ờ sa priă mờ ai geh ală bơta phan lơh sơnơm bè rơndeh pơrlăc mờ tê, măi dong kờl kơno cau geh màng mờ dà lơgar in, nàng tơnguh uă bơta niam rài kis ală hìu nhă cau geh sră dong kờl bơh mpồl bơtiàn, cau geh màng mờ dà lơgar in.