Đơs tàm dơ̆ tìp mat, ồng Tô Lâm, Tổng Bí thư, Chủ tịch lơgar đơs nền, tơnơ̆ tŭ geh tơnggơs, gơnoar broă bơh Mpồl Sồr lơh dê là tă pơgồp jơnau đơs, đơng lam tơn, sồr lam lơh ală gùng dà broă lơh bơh Đảng, Dà lơgar dê nàng kờñ gàr kơ̆ kơl jăp chính trị, sơlơ tơnguh tai bơtàu tơnguh, gàr niam sền gàr dà lơgar, lơngăp lơngai tiah Tây Nguyên.

Kah ưn ngài mờ jờng rơ ală oh mi lài do là Kwang bàng, công chức, viên chức, cau lơh broă Anih lơh broă duh broă sùm Mpồl Sồr lơh Tây Nguyên bơh ală rài, neh ờ rơngòt bòl glar kal ke, ơm kơ̆ tàm ù tiah, ơm kơ̆ tàm ƀòn lơgar, lơh sir jak ngan kơnòl broă mờ Đảng, Dà lơgar dê jàu; ồng Tô Lâm, Tổng Bí thư, Chủ tịch lơgar kơ̆p kờñ ală oh mi pơn jat tai lơh jat niam nùs nhơm bơh kwang bàng Mpồl Sồr lơh Tây Nguyên dê pơn jat tai rềp làng bol, wă làng bol, ki ngàm làng bol, geh kơnòl mờ làng bol. Mờ bơngă pin dờn mờ mờng chài bơh he dê, pơn jat tai tă pơgồp jơnau đơs ai kấp ủy, gơnoar atbồ ală tiah, pơn jat tai là rơbàng tàm tơrbŏ bal đah Đảng, Dà lơgar mờ làng bol ală jơi bơtiàn Tây Nguyên dê.