Jăt jơnau lơh nền bơh Mpồl lơh kơnòl broă sùm Tỉñ ủy càr Lâm Đồng dê, bơh ngai 1 nhai 3 tus, 7 mpồl Đảng đoàn mờ 3 mpồl đảng kấp càr rơ̆p tơn jơh lơh broă.

Mờ crơng gơs Đảng ƀộ ală anih lơh broă Đảng càr Lâm Đồng tàm tơngu me dờp tơrgùm 19 mpồl đảng, 545 nă đảng viên bơh Đảng ƀộ Mpồl ală anih lơh broă càr; Crơng gơs Đảng ƀộ Anih duh broă Làng bol càr Lâm Đồng tàm tơngu me dờp tơrgùm 57 mpồl đảng, mờr 3 rơbô 500 nă đảng viên bơh Đảng ƀộ Mpồl ală anih lơh broă càr mờ Đảng ƀộ Mpồl mpồl lơh sa kă bro càr. Mpồl Lơh kơnòl broă sùm Tỉñ ủy càr Lâm Đồng sồr ồng Bùi Thắng, Phó Ƀí thư Tỉñ ủy càr Lâm Đồng lơh Ƀí thư Đảng ƀộ ală anih lơh broă Đảng càr Lâm Đồng; ồng Trần Hồng Thái, Củ tịc Anih duh broă Làng bol càr Lâm Đồng lơh Ƀí thư Đảng ƀộ Anih duh broă Làng bol càr Lâm Đồng.