Pơrlòng geh lơh mờ uă broă lơh cèng bơta niam chài krơi is jơi bơtiàn dê bè dròng cing jañ mồng, tamya xoang, pơrlòng ală bơta tàp pràn să jan ờs mờng, pơrlòng trŭ gơm mờ yal tơnggit phan sa ờs mờng. 

Bơta tờm bơh broă lơh dê là anih niam chài cing mồng krơi is mờ bơta tus bal bơh ală mpồl cau chài mờ mpồl cau tàm ƀòn lơgar bè Bơkàu Lang Biang, Hìu bơnhă Niam chài, Ƀòn Dơng, Dà M’lốt, Jồ Rơng mờ Ală bơyô Lang Biang… Ală jơnau bơyai lơh neh pơgồp bơnah yal tơnggit ală bơta kuơ niam chài bơh yau krơi is bơh cau K’Ho dê tus mờ nac lòt nhơl tàm lơgar mờ bơdìh lơgar. Pơrlòng gơ hòi gơ jà gal ngan làng bol, nac lòt nhơl mờ mpồl bơtiàn cau K’Ho tus bal.