Pơrjum dờng Ală Mpồl Cau lơh ƀăo Anih jơnau đơs Việt Nam dơ̆ 8, tơngai lơh broă bơh nam 2026 – 2031 geh bơyai lơh drim ngai 11/6, neh pồ Mpồl Duh broă Ală Mpồl cau Lơh ƀăo Anih jơnau đơs Việt Nam tơngai lơh broă bơh nam 2026-2031 là 21 nă cau. Kwang bàng Mpồl Lơh kơnòl broă sùm Anih duh  broă Đơng lam Đảng Dà lơgar Mpồl Cau lơh ƀăo Việt Nam ồng Phạm Mạnh Hùng geh pồ lơh tai Chủ tịch Ală Mpồl Cau lơh ƀăo Anih jơnau đơs Việt Nam tơngai lơh broă bơh nam 2026-2031. Pơrjum dờng geh bơyai lơh mờ bơta tus bal bơh 185 nă cau ala mat ngan ngồn ala mat ai rlau 760 nă cau tàm 20 Mpồl gơwèt Anih jơnau đơs Việt Nam dê.

Jat jơnau rcang cih Ală jơnau neh lơh nền cau lơh broă Mpồl Duh broă Ală Mpồl Cau lơh ƀăo Việt Nam tơngai lơh broă bơh nam 2026-2031 neh geh Mpồl Duh broă Ală Mpồl bơt bơtàu, Mpồl Lơh kơnòl broă sùm Anih duh broă Đơng lam Đảng Anih jơnau đơs Việt Nam ring bal, Pơrjum dờng neh ring bal pồ Mpồl duh broă Ală Mpồl Cau lơh băo Anih jơnau đơs Việt Nam tơngai lơh broă bơh nam 2026-2031 là 21 nă. Pơrjum dờng kung pồ Mpồl sền sơwì Ală Mpồl Cau lơh ƀăo Anih jơnau đơs Việt Nam geh 3 nă cau. Jat ồng Phạm Mạnh Hùng, nàng kờñ tơnguh uă cồng nha lơh broă bơh mpồl dê tàm tơngai pa. Mpồl duh broă tơngai lơh broă pa rơ̆p pơn jat tai tàm pơr dờn cồng nha lơh geh bơh tơngai lơh broă lài, sùm tơnguh uă cồng nha lơh broă mpồl, pơgồp bơnah tề lam mờ ngui niam bơhiàn lơh ƀăo kăc màng Việt Nam, di mờ gùng dà broă lơh mờ gơnoar broă bơh Anih jơnau đơs Việt Nam dê.