Tàm dơ̆ tìp mat, uă cau tĕ khà kơlôi sơnơng tơnơ̆ tŭ tơmut bal 3 càr, dùl khà uă ngan kwang bàng 2 càr DăkNông mờ Bình Thuận rơ̆p rê tàm anih lơh tờm sră nggal gơnoar atbồ lơh tàm ƀòn dờng Dà Làc, càr Lâm Đồng nàng lơh broă.

Bơdìh mờ kal ke tàm broă lòt rê, broă bơsong jơnau kờñ bè tiah sa sào, tiah ơm là dùl broă lơh kal ke ngan bơsong. Bal mờ jơnau dan càr pal geh broă lơh bơsong di pal, cau tĕ khà càr Lâm Đồng sồr pơn jat tai sền gròi tus broă lơh rcang lài kơryan sa kuề sa kuà; bơsong bơta phan ờ ngan, ờ niam...

Jờng rơ uă ngan ală jơnau đơs, jơnau dan mờ jơnau tă pơgồp bal bơh cau tĕ khà dê, ồng Phan Đình Trạc đơs nền broă lơh rcang lài kơryan sa kuề sa kuà, mờ bơta cờ niam tàm tơngai pa do neh lơh niam ngan, gơ gơs broă lơh niam mờ geh jơnau đơs is tàm broă tam dră, rcang lài kơryan. Di dơ̆ do, ồng Phan Đình Trạc jàu 10 bơnah phan pà ai ală hìu bơnhă geh sră dong kờl Dà lơgar pơn rơ jak tàm Dà Làc in.