Tàm ală nam do, khà kwang bàng, ùr đảng viên tàm càr Dăk Lăk là thạk sìh, tơl jơnau sồr geh ai lơh, dờp lơh ală gơnoar broă đơng lam tàm ală anih lơh broă Đảng, Dà lơgar ală kâp ngai sơlơ uă. Uă krơh ùr đảng viên là cau tờm ală anih lơh gơlik phan, mpồl lơh sa kă bro lơh sa kă bro jak gơ jăt bal mờ bơtàu tơngguh lơh sa bal mờ prăp gàr, sền gàr ală bơta kwơ niam chài ờs mờng bơh yau niam bơnĕ bơh jơi bơtiàn dê.

Tàm broă lơh do, cau ala măt bal mờ gơ̆p yal wơl bơhiàn pơnrơ dờng ngan 95 nam tơnggơs Đảng Kộng sản Việt Nam mờ ală tă pơgồp bơh ală rơnàng cau, rơnàng cau ùr ală jơi bơtiàn càr Dăk Lăk dê. Bàr pe nă ùr đảng viên pơnrơ ngan tàm ală broă kung bè tìp măt lơh kwèng, yal bè broă lơh jăt niam gơnoar broă lam lài, lơh krơh bơh ùr đảng viên dê tàm lơh jăt mờ hòi jà lam sồr cau ùr, làng bol lơh jăt jơnau sồr, gùng dà bơh Đảng dê, kơrnoăt boh lam bơh Dà lơgar dê. Mờng chài tàm broă lơh sền gŏ, tề lam, lơh geh mpồl cau, yal tơnggĭt cau ùr jak ngan tàm mpồl ai Đảng in, pơgồp bơnah lơh jăt niam gơnoar broă cau ùr dê tàm tus bal bơ̆t bơtàu Đảng, gơnoar ătbồ; yờ tơngguh gơnoar broă, kơnòl broă bơh cau đảng viên dê tàm bơsram, lơh jăt krơh bồ tơngoh, nùs nhơm Hồ Chí Minh dê. Di dơ̆ do, Mpồl bơyai lơh kung pà bơkàu mờ phan pà, jờng rơ 50 nă ùr đảng viên pơnrơ ngan, geh uă tă pơgồp tàm ală broă tàm càr Dăk Lăk.