Broă lơh bơh Gah Đơng làm Cau ling Sền gàr tiah nhàr lơgar càr Kon Tum dê pơgồp bal mờ gơnoar ătbồ bal mờ ală mpồl cau tàm tiah do bơyai lơh neh cèng Sa tềp gờñ tus mờ làng bol tiah nhàr lơgar. Bơh àng drim gờñ, gal ngan làng bol bơh 11 thôn bơh sàh tiah nhàr lơgar Ia Đal dê tơrgùm tàm anih bơyai lơh broă lơh. Tàm do, làng bol tus bal lơh uă broă lơh chờ hờp Sa tềp, bè tàm pơrlòng klơm piang mbar kơnâm lơmpòng tơlir, tàm pơrlòng bơtò plai kòn, tàm dŭi che, droh gai…

Ală hìu bơnhă rài kis kal ke geh kwang bàng cau ling sền gàr tiah nhàr lơgar yal tơnggĭt tus “Cơldŭ phan zero đong” nàng săc àu mpha pa, dờp phe, tơngi sa, dà màn, ƀòk ngòk. Tàm broă lơh, mpồl sền gàr tiah nhàr lơgar mờ gơnoar ătbồ tiah do neh jàu pà 400 nơm bồng bi Dà lơgar, rlau 250 bơnah phan pà, 400 yô piang mblar klơm kơnâm lơm lòng, jàu priă dong kờl bơsram ai 9 nă kơnòm bơsram gơ wèt Broă lơh “Dong kờl oh lòt bơsram”, broă lơh tơrlòng lài “Kòn ròng pôs đồng ling Sền gàr tiah nhàr lơgar”; jàu kơnrồ dra dong kờl 2 hìu bơnhă rƀah bơtàu tơngguh lơh sa…Kờp jơh priă phan pà rlau 350 tơlak đong.