Geh uă jơnau đơs tàm pơrjum bơyai đơs là, tam gơl tơlir mờ lơh jăt khà ESG tŭ do là jơnau sồr pal geh lơh, pal lơh nàng mpồl lơh sa kă bro geh sùm cau kờñ blơi, rề ơnàng drà kă bro mờ tơnguh uă bơta pràn tàm pơrlòng. Nàng lơh geh bơta do, mpồl lơh sa kă bro pal tơrmù nhơm ƀơ̆, atbồ broă lơh loh làng, ngui geh cồng nha phan kwơ geh is, tơnguh niam lơh broă mờ loh làng yal tơngit.

Đơs tàm pơrjum bơyai, ồng Phạm Anh Tuấn, Chủ tịch Anih duh broă Làng bol càr Gia Lai đơs nền tơngai bơh nam 2026 tus 2030, càr ai rơ̆p lơh pràn tam gơl sồ, tam gơl tơlir, bơtàu tơnguh lơh sa mờ măi mok lơh gơs phan, năng lượng lơh geh wơl mờ lơh broă sa suơn sre măi mok pa. Chủ tịch Anih duh broă Làng bol càr Gia Lai hơ gơnoar atbồ rơ̆p tam gơl pràn bơh bồ tơngoh atbồ tus mờ drơng lơh, lơh broă bal mờ mpồl lơh sa kă bro lơh ală rơndăp broă lơh.