Tơnơ̆ tŭ iat ală jơnau đơs cribơyai, ồng Trần Thanh Mẫn, Chủ tịch Quốc hội đơs là, 6 nhai bồ nam, Đảng ƀộ Quốc hội neh pơn jat tai ai tơnggŏ gơnoar broă lơh tờm tàm broă lơh gơs kơrnuat boh lam ală jơnau lơh nền Đảng dê, ngan là ală jơnau pơndut bơh Bộ Chính trị, Mpồl đơng lam Đảng dê; tơnguh bơta niam broă lơh bơt bơtàu adat boh lam, jat sền dờng ngan rlau jơh, lơh nền ală broă kuơmàng dà lơgar dê.

Đơs ală bơta ờ niam tàm broă lơh đơng lam, sồr lơh tàm tơngai lài, Chủ tịch Quốc hội sồr, 6 nhai lồi nam, ală anih lơh broă Quốc hội dê kờñ pal tơrgùm uă ngan rlau jơh ai broă lơh gơs kơrnuat boh lam di tŭ jơnau lơh nền Đảng dê, mùl màl là Jơnau lơh nền tàm pơrjum bơh Pơrjum Đảng Dà lơgar dơ̆ 3 dê. Gơ wèt mờ 2 jơnau pal jat pơgồp bal yal Mpồl đơng lam Đảng in, kờñ pal sền nền wơl, lơh sir nàng git loh bơta đơng lam, tơnguh bơta niam broă lơh nền mờ bơsong di tŭ broă gơlik geh bơh ngan ngồn. Pơrjum kung neh pờ tê ring bal bè jơnau pal jat lơh broă bơh  Mpồl duh broă Đảng ƀộ Quốc hội dê, tơngai lơh broă bơh nam 2025 tus nam 2030.