Do là dar pơrjum dơ̆ 2 tàm nhai 4 nàng cribơyai, ai jơnau đơs tàm bàr, pe rơndap lơh Adat boh lam kờp dŭ rơp yal Quôk hội in sền sơ wì ai jơnau đơs tàm pơrjum dơ̆ 9 tus. 

Đơs tàm dar pơrjum, Thủ tướng ồng Phạm Minh Chính pà git, tàm pơrjum dơ̆ 9, Quôk hội khoă XV kờp dŭ lài Cíñ phủ rơp yal Quôk hội 63 sră nggal, jơnau yal, tàm hơ̆ geh 37 adat boh lam mờ jơnau lơh nền tàm pơrjum. Do là khà sră nggal uă ngan, kuơmàng ngan, gơ rềng tus jơh broă lơh sa – mpồl bơtiàn. Khà broă uă ngan, kơnòl kơn jơ̆ kơn jut ngan, jơnau sồr dờng ngan, kal ke, tơngume ơnàng, Thủ tướng sồr ală ƀộ, gah broă lơh lời lài tŭ tơngai, tơrgùm priă jền uă ngan rlau jơh, đơng lam tơn, sồr lơh tơn lơh sir ală rơndap lơh adat boh lam. Mờ kung pơgồp bal mờ ală anih lơh broă bơh Quôk hội tàm tŭ sền sơ wì, mblàng lơh loh, cih dờp, tam gơl rơndap lơh adat boh lam. Di tŭ yal gơ wèt mờ ală broă gơlik geh, ală tơngume sơrlèt rlau gơnăp gơnoar.