Tàm nùs nhơm yŭ rơyùm, Củ tịc lơgar neh jơh nùs chu ñàng, kah kơlôi Kwang đơng lam bồ kờñ gơboh bơh jơi bơtiàn dê. Gam kis, Wa Hồ lời ai nùs nhơm kah gơboh is ồn gơwèt mờ làng bol kòn cau mờ cau ling tiah đah Jum Dà lơgar sùm jơh nùs jơh tồr, kơ̆ dơn, di pal mờ mat sơnđan “Pơng gàr lơngô Dà lơgar dê”. Đơs tus tiah đah Jum, Wa Hồ sùm ngui ală akhar lơbơn niam ngan rlau jơh. Wa Hồ hòi tiah đah Jum Dà lơgar là “mhàm bơh mhàm Việt Nam dê”.

Củ tịc lơgar ồng Lương Cường đơs nền jơh nùs lơh ngan bal mờ jơh gùt Đảng, jơh gùt Làng bol lơh jat niam bơta pràn tam klăc dờng, lơh jat ngan ngồn bơta kơ̆p kờñ bơt bơtàu Dà lơgar bơtàu tơnguh pas gơs. Còp Tiah tềl lời wơl, Củ tịc lơgar tơngkah wơl jơnau kơ̆p kờñ bơh Wa Hồ dê bè dùl Dà lơgar Việt Nam ring lơngai, tơrgùm dùl, làng bol lơh tờm, pas pràn mờ đơs sùm, Tam lơh pha lin dờng kàl Prang Nam pa 1975 là bơta lơh ngan ngồn bơta kơ̆p kờñ hơ̆ dê.