Dờp jơnau jà bơh Tổng Ƀí thư Đảng Làng bol Kăc màng lơgar Lào, Củ tịc lơgar Lào ồng Thongloun Sisoulith, mho òr (24/04), Củ tịc lơgar ồng Lương Cường lam bồ Mpồl kwang bàng ala măt Kấp dờng lơgar Việt Nam neh bơh Hà Nội tus còp kấp Dà lơgar tus lơgar Lào bơh ngai 24 tus ngai 25 nhai 4 nam 2025.

Mờ broă lơh ngan lơh pràn broă lơh jăt ală jơnau ring bal kấp dờng, dơ̆ tus còp do bơh Củ tịc lơgar ồng Lương Cường tus lơgar Lào geh kwơ màng ngan, pơn jăt tai ai tơngŏ gùng dà broă lơh lài kung bè tơnơ̆ bơh Đảng, Dà lơgar Việt Nam dê sền kwơ mờ ai lài bơta git gơ̆p lơh bơyô bal kwơ màng, tam klăc bal kwơ màng, lơh broă bal tơl ală bơta đah lơgar Việt Nam mờ Lào; tơnguh broă pin dờn cíñ trị, đềt mềr đah kwang đơng lam kấp dờng bàr lơgar; sùm sền Dà lơgar Lào mờ bơta git gơ̆p kwơ màng đah lơgar Việt Nam mờ lơgar Lào là dùl tàm ală broă lơh geh ai lài ngan tàm broă lơh jăt ală broă lơh bal mờ lơgar ndai lơgar Việt Nam dê, ai tơngŏ broă kờñ bal pràn kơl dang bơh lơgar Việt Nam dê gơwèt mờ broă tam gơl pa tàm lơgar Lào.