Củ tịc lơgar ồng Lương Cường còp kwang bàng cau ling kwang àng càr Phú Thọ
Thứ ba, 16:47, 08/04/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Drim ngai 07/04, di dơ̆ chu ñàng Duh kah Bơtau Hùng, Củ tịc lơgar ồng Lương Cường neh lòt còp mờ pơndờm pơnđiang kwang bàng, cau ling kwang àng Phú Thọ tàm Anih tờm yal tơnggĭt jơnau đơng lam Kwang àng càr Phú Thọ lơh tàm Tiah tềl lời wơl kah yau Hìu duh khuai Bơtau Hùng.
Củ tịc lơgar ồng Lương Cường tơngkah, Duh kah Bơtau Hùng mờ Tơngleh Niam chài- Lòt nhơl Ù mò pàng yau jơi bơtiàn dê nam do geh lơh bơh ngai 29/03 tus ngai 07/04 den tàng bulah neh lơh niam broă lơh sền gàr lơngăp lơngai rơndăp tăp sèng, niam lơngăp lơngai lòt rê ală ngai do mơya tàm ngai lồi dŭt bơh dơ̆ lơh chờ lơh yàng dê, kwang àng càr Phú Thọ kung gam kờñ pal pơgồp bal ală mpồl tơrgùm lơh broă bal mờ nùs nhơm jơh nùs ngan rlau jơh, rơcăng lài, gàr niam lơngăp lơngai, niam lơngăp lơngai ngan ai năc lòt nhơl in mờ ờ lời gơlik geh ală jơnau pơlai soh ngan digơlan gơlik geh; mơkung pơn jăt tai đòm jăt bơhiàn tam klăc, lơh jăt geh cồng nha ală kơnòl broă mờ đơng lam Ƀộ Kwang àng, Đơng lam càr Phú Thọ dê jàu kơnòl.
Viết bình luận