Nam 2024, Gah đơng lam Kảñ sát ntrờn làm bă tiah neh lơh niam broă lơh tă pơgồp jơnau đơs kwơmàng mờ Đảng, Dà lơgar, Anih duh broă đơng Đảng Kwang àng Dà lơgar, kwang đơng lam bồ Ƀộ Kwang àng bè broă lơh phàu crong sền gàr lơngăp lơngai dà lơgar, gàr niam rơndăp tăp sèng, lơngăp lơngai jơh gùt mpồl bơtiàn, sền gàr niam lơngăp lơngai ală jơnau kờñ, ală broă lơh dờng màng bơh dà lơgar; ală mpồl năc ală lơgar tus còp mờ lơh broă tàm Việt Nam.

Củ tịc lơgar đơs loh, nam 2025 là nam geh gơtha kwơmàng ngan, là nam bơyai lơh pơrjum dờng đảng ƀộ ală kâp wèt tus Pơrjum dờng dơ̆ XIV bơh Đảng dê mờ ală broă lơh cíñ trị, niam chài dờng màng ngan bơh dà lơgar dê. Den tàng bè hơ̆, jơnau sồr, kơnòl broă bơh mpồl Kảñ sát ntrờn làm bă tiah dê tàm nam 2025 mờ ală nam pơn jăt tai kơn jơ̆ ngan. Nàng lơh geh kơnòl broă bơta pa, Củ tịc lơgar sồr mpồl Kảñ sát ntrờn làm bă tiah pơn jăt tai kơlôi sơnơng, bơsram jrô, lam lơh jăt geh cồng nha ală jơnau sồr, gùng dà bơh Đảng dê, broă lơh, kơrnoăt boh lam bơh Dà lơgar dê bè sền gàr lơngăp lơngai dà lơgar, sền gàr rơndăp tăp sèng, niam lơngăp lơngai jơh gùt mpồl bơtiàn mờ bơ̆t bơtàu mpồl tàm bơta pa.