Đơs tàm pơrjum, Củ tịc lơgar ồng Lương Cường jờng rơ uă ngan broă lơh rcang ală tơngume drơng ai broă lơh sền sơwì in, tơngŏ nùs nhơm geh kơnòl bơh Mpồl Lơh kơnòl broă sùm Tỉñ ủy càr Hưng Yên dê.

Củ tịc lơgar sồr Mpồl Lơh kơnòl broă sùm Tỉñ ủy càr Hưng Yên mhar tơrgùm lơh sir jơnau yal sền sơwì is bal mờ ală sră nggal, sră ơn prap geh gơrềng, pơyoa Ƀộ Cíñ trị mờ Mpồl Sền sơwì in; pơgồp bal niam, di tŭ, lơh geh ală bơta ƀuơn ngan ai Mpồl Sền sơwì in lơh sir kơnòl broă. Sồr ală mpồl Đảng, đảng viên gơwèt Đảng ƀộ rcang tơngume jơnau yal jat Tơngume bơto pơlam, yal tơl làm, geh ngan jơnau yal, khà kờp; jơh nùs pơgồp bal mờ Mpồl Sền sơwì tŭ lơh dơ̆ sền sơwì, sền lơh loh, is ồn ală jơnau yal pal jat tàm bơta geh ngan, yal di mờ bơta lam lơh jat ală tơngume geh sền sơwì, sơñio loh ală cồng nha lơh geh, broă lơh niam, bơceh lơh; ală bơta ờ hềt niam gam geh mờ đơs gùng dà broă lơh bơsong tàm tơngai tus.