Do là dùl jơnau đơs geh gơtha jrô ơnàng tàm tŭ dunia gam tìp mờ uă bơta lòng bè tam lơh, ờ ring bal, tam gơl nhơm trồ tiah mờ sơrlồng sơrlàng nùs nhơm mpồl bơtiàn.

Củ tịc lơgar đơs sùm, Việt Nam là dùl dà lơgar geh bơhiàn ờs mờng bơh yau Yàng phờk jŏ rài, tam klăc đềt mềr jrô ơnàng mờ jơnau yau crơng mòn lơgar mờ gàr lơgar. Sơrlèt uă bơta gơ tam gơl bơh jơnau kah yau dê, Yàng Phờk Việt Nam sùm yờ tơngguh nùs nhơm “Sền gàr dà lơgar lơngăp lơngai làng bol”, bơto jơnau yàng phờk sùm lòt bal mờ jơi bơtiàn. Ală bơta kwơ bè nùs gơboh lơgar, nùs nhơm toh glài bal, gĭt wă kờñ gơboh bơta niam bơh Yàng Phờk dê neh gơmŭt jrô tàm hwềng nùs cau Việt Nam dê mờ pơgồp bơnah bơ̆t bơtàu rài kis niam chài krơi is jơi bơtiàn Việt Nam dê.

Tus bal dơ̆ bơyai lơh, Kwang ătbồ lơgar Sri Lanka đơs sùm tus bơta gĭt gơ̆p đềt mềr mờ lơh broă bal mờ Việt Nam mờ uă nam do. Ngai do, bơta gĭt gơ̆p hơ̆ pơn jăt tai geh lơh kơ̆ kơl jăp pràn kơldang rlau. Ala măt đơng lam uă dà lơgar bè: Lo, Ấn Độ, Campuchia…mờ Kwang Gơnoar cih dờng Liên hợp quốc neh pơyua jơnau đơs tus Vesak 2025.