Dờp gơnoar jàu bơh Củ tịc lơgar dê, Phó Kwang lam bồ Cơldŭ lơh broă Củ tịc lơgar ồng Phạm Thanh Hà neh yal jơnau lơh nền bơh Củ tịc lơgar dê tơn pồ gơnoar broă Phó Kwang lam bồ Cơldŭ lơh broă Củ tịc lơgar gơ wèt mờ ală ồng Nguyễn Đình Tài mờ Nguyễn Hoàng Anh, ală kwang dong broă bơh Củ tịc lơgar ồng Lương Cường dê; mờ ồng Nguyễn Dũng Tiến, kwang dong broă bơh Phó Củ tịc lơgar dê.

Jàu jơnau lơh nền mờ nting bơr gờm chờ ală cau pa geh tơn pồ, Củ tịc lơgar ồng Lương Cường đơs nền, tàm gơnoar broă pa, ală cau geh tơn pồ pal pơn jat tai pơlam tàp nùs nhơm cíñ trị, gàr kơ̆ nùs nhơm, bồ tơngoh kac màng; ngui pràn jak, bơta chài mờ jơnau git wă, tơnguh nùs nhơm geh kơnòl, rơcang lài, ngac ngar, tam gơl pa bơceh lơh tàm broă lơh, tơnguh pràn jak atbồ, pràn jak kờp dŭ lài, tă pơgồp jơnau đơs nàng tă pơgồp di, di tŭ, pơgồp bơnah bơt bơtàu Cơldŭ lơh broă Củ tịc lơgar ngac ngar, bal hiă, pràn, lơh broă geh cồng nha.