Đơs tàm dơ̆ lơh broă, Củ tịc lơgar ồng Lương Cường jờng rơ mờ đơs niam ngan Anih duh broă đơng lam Đảng Ling klàng Dà lơgar, Ƀộ Ling klàng neh Bơsram kơlôi sơnwong mờ lơh jăt ngan ngồn jơnau sồr bơh Ƀộ  Cíñ trị, Mpồl Duh broă Đảng Dà lơgar dê bè pơn jăt tai lơh jăt Jơnau lơh nền tàm pơrjum sồ 18, bơ̆t bơtàu ală anih lơh broă cíñ trị “dipal, tơl, pràn, lơh broă pràn, gơtùi, cồng nha”. Rơndăp tăp sèng, tam gơl tơmŭt bal ală mpồl lơh broă geh gơnoar broă, kơnòl broă ndrờm bal pal “dipal, tơl, pràn; lơh jăt bơta pal jăt dồ anih lơh broă lơh uă broă, dồ broă mìng jàu ai dồ anih lơh broă in đơng lam lơh jăt mờ kong kơnòl tờm. Jăt tàm gơnoar broă, kơnòl broă nàng geh broă lơh pal lơh sir niam bơsong tơl bơta digơlan gơlik geh.

Gàr kơ̆ bơta pal jăt mpồl đơng lam Đảng dê; Gàr niam bơta đơng lam jơh, tơn bè tơl ală bơta bơh Đảng dê gơ wèt mờ Mpồl ling klàng làng bol Việt Nam. Kơ̆p kờñ ồng Củ tịc lơgar pơn jăt tai sền gròi, ai tơl bơta nàng Ƀộ Ling klàng pơn jăt tai tam gơl rơndăp mpồl lơh dipal, tơl, pràn, bơ̆t bơtàu Mpồl ling klàng tam gơl bơta yau gơgơs bơta pa, ngan ngồn, jak chài, pa ngan jăt ală jơnau lơh nền tàm pơrjum Đảng dê neh gĭt nền.