Tơnơ̆ iăt jơnau yal mờ ală jơnau đơs cribơyai, Củ tịc lơgar ồng Lương Cường sơñio loh, bơh bơta đơng lam bơh Đảng dê, ală nam do, broă sền gàr adat boh lam Dà lơgar he dê neh geh ală broă bơtàu tơnguh niam ngan, lơh geh cồng nha kwơ màng tàm ală bơta; rơndăp broă, lơh broă bơh ală anih lơh broă sền gàr adat boh lam sùm geh tam gơl pa, lơh sir, gơtùi lơh broă, lơh broă geh cồng nha rlau.

Jat tàm ală bơta hơ̆, tàm tơngai tus, broă lơh tam gơl niam sền gàr adat boh lam pơn jat tai lơh jat Jơnau lơh nền tàm pơrjum sồ 27 bè bơt bơtàu Dà lơgar gơnoar adat boh lam xã hội củ nghĩa Việt Nam tàm tơngai pa; pơn đơl pràn lơh ngan bơt bơtàu broă sền gàr adat boh lam ờs mờng, pa ngan, ring bal, kràñ niam, song sơ pă, drơng broă Dà lơgar, drơng broă Làng bol. Bè broă lơh rcang ai dơ̆ pơrjum dơ̆ 1 nam 2025 bơh Mpồl Sồr lơh tam gơl niam Sền gàr adat boh lam Dà lơgar dê, Củ tịc lơgar đơs sùm, broă lơh tam gơl niam sền gàr adat boh lam pal jat tàm gùng dà broă lơh bơh Đảng, gàr niam bơta dồ ròt bal, ring bal đah ală broă lơh adat boh lam dê, pơgồp bơnah tơnguh uă cồng nha lơh broă sền gàr adat boh lam, bơt bơtàu Dà lơgar gơnoar adat boh lam xã hội củ nghĩa.