Tơnơ̆ tŭ iăt jơnau yal, ală jơnau đơs tă pơgồp, Củ tịc lơgar ồng Lương Cường jờng rơ uă ngan bơta pơnđơl pràn lơh ngan bơh Cơldŭ lơh broă Củ tịc lơgar neh rcang lài lơh broă rơndăp lơh mờ rcang lài ală tơngume di tŭ, niam ngan. Củ tịc lơgar cih dờp, jờng rơ Cơldŭ lơh broă Củ tịc lơgar tă pơgồp jơnau đơs mờ Củ tịc lơgar lơh nền pà phan ai jơh ală cau geh màng mờ Dà lơgar tàm jơh gùt lơgar in di dơ̆ tơngkah kir sơnrai 50 nam Tơngklàs tiah đah Jum, tơrgùm dùl Dà lơgar, 80 nam tơnggơs Dà lơgar.

Bè gùng dà broă lơh, kơnòl broă, Củ tịc lơgar tơngkah, tàm tơngai tus Dà lơgar rơ̆p geh bơyai lơh uă broă lơh dờng, sồr Cơldŭ lơh broă Củ tịc lơgar pal lơh jat uă ngan rlau jơh bơta pràn jak, lơh broă ngăc ngar, gàr niam tŭ tơngai mờ cồng nha lơh broă drơng broă đơng lam Đảng, Dà lơgar in.