Củ tịc lơgar sồr broă lơh rơcăng, bơyai lơh pơrjum dờng đảng ƀộ ală kâp pal geh ală kâp ủy đơng lam, sồr lơh lam lơh jăt di jơnau sồr, di bơta pal jăt Đảng dê. Tơngkah ală tŭ bơyai lơh pơrjum dờng pal sền gròi bơyai lơh cribơyai nền nòn, jrô ơnàng, tus bal tă pơgồp jơnau đơs loh làng geh cồng nha jơnau rơcăng cih ală sră nggal; jơnau yal cíñ trị pal sền swì di bơta lơh jăt Jơnau lơh nền tàm pơrjum dờng tơngai lơh broă lài dê, ngan là ală kơnòl broă tờm, kơnòl broă bơ̆t bơtàu, lơh niam wơl Đảng.

Gơ wèt mờ kơnòl broă tơn jơh Jơnau lơh nền tàm pơrjum sồ 18, Củ tịc lơgar sồr mpồl lơh broă pa pal lơh niam rlau, geh cồng nha rlau, lơh geh niam rlau jơnau sồr, gơnoar broă, kơnòl broă bơh Cơldŭ lơh broă Củ tịc lơgar dê. Ală tŭ lơh jăt rơndăp tăp sèng, tơrmù dipal mpồl lơh broă pal sền ngăc sền gròi jơnau kơlôi sơnơng, bơta kơ̆p kờñ, sền gròi rài kis kwang bàng, kông cưk, viên cưk, cau lơh broă bơh anih lơh broă, mpồl lơh broă dê iang nùs, lơh ngan lơh sir niam kơnòl broă geh jàu.