Củ tịc lơgar ồng Lương Cường ơn guàng bơkàu tềng đap rùp mòn, ai tơnggŏ nùs nhơm kah ưn ngài uă ngan bơh Đảng, Dà lơgar mờ làng bol Việt Nam dê gơ wèt mờ cau neh ơn bơnàng jă ai bơta git gơp kuơmàng đah Lào mờ Việt Nam in. Mpồl kung lời dùl phuk kah kơlôi, lòt sền Ƀảo tàng Saysone Phomvihane mờ iat yal bè rài kis, broă lơh kac màng bơh Củ tịc ƀồc ồng Kaysone dê. Tàm sră cih jơnau kir sơnrai, Củ tịc lơgar ồng Lương Cường ai lơh ngoh rơngac ngan mờ pơn yờ să ngan tŭ lòt còp anih prap gàr ală jơnau kah kir bơh dùl nă cau bơyô dờng, đềt mềr ờ git lơh mờ làng bol Việt Nam – cau neh pơgồp bơnah bơt bơtàu bơta git gơp lơh bơyô, tam klac bal kuơmàng đah 2 jơi bơtiàn.