Ala mat kwang đơng lam bồ Đảng mờ Dà lơgar, Củ tịc lơgar ồng Lương Cường pơyoa tus jơh gùt làng bol kis tàm lơgar ndai nùs nhơm ram mhŭ, jơnau lùp còp jơh nùs mờ ală jơnau gờm chờ nam pa niam bơnĕ ngan rlau jơh. Củ tịc lơgar pà gĭt, Đảng, Dà lơgar mờ làng bol tàm lơgar sùm sền gròi, jat sền ală bơta làng bol kis tàm lơgar ndai mờ jơh nùs brơn brài, pơnyờ să tŭ gŏ nam pa do, bulah pal kong mờ uă bơta kal ke, bơta lòng mơya làng bol he kung gam gàr kơ̆ nùs nhơm, bồ tơngŏ wền kơ̆, brồ guh bơt bơtàu rài kis niam bơnĕ rlau tai.

Củ tịc lơgar pà gĭt, Việt Nam gam rcang broă lơh kơ̆ kơl jăp nàng Dà lơgar pin dờn mut tàm rài pa bal mờ kah yau dờng màng bơh gĭt nđờ rơbô nam bơt bơtàu Dà lơgar mờ sền gàr Dà lơgar, Việt Nam pal ngui uă ngan rlau jơh tŭ tơngai niam, dơ̆ tàm pơrlòng kah yau do dê. Củ tịc lơgar kơ̆p kờñ tơl nă làng bol Việt Nam, bulah ơm tàm lơgar halà lơgar bơdìh, bal mờ gơ̆p tĕ pơgồp bơta pràn tàm gùng lòt dờng màng bơh jơi bơtiàn dê. Củ tịc lơgar đơs nền, Đảng mờ Dà lơgar he sùm lời ai bơta sền gròi, sền gàr is ồn ai làng bol he in kis tàm lơgar ndai.