Củ tịc lơgar ồng Lương Cường tus bal tàm anih sơñio rùp tơn ƀòn dờng Hồ Chí Minh; Thủ tướng Cíñ phủ ồng Phạm Minh Chính tus bal tàm Hà Nội; Củ tịc Quôk hội ồng Trần Thanh Mẫn tus bal tàm Quảng Trị. Broă lơh geh 3 broă lơh: “Bơta kơ̆p kờñ sùm ring lơngai”, “Nùs nhơm kờñ ngan lơngăp lơngai is tơrgùm dùl” mờ “He pơn yờ să lòt guh! Ơ Việt Nam”.

Bơta tờm ngan là broă lơh jàu wơl phan lời kir sơnrai bơh cau ling chơ̆t màng Việt Nam bơh cau ling yau lơgar Mỹ ồng Adolph Novello lời prăp sùm 50 nam. Broă lơh ngoh rơngăc do lơh tơngkah wơl nùs nhơm gĭt ưn ngài uă ngan gơwèt mờ rơnàng bèp bi neh chơ̆t phi să tài lơngăp lơngai is mờ bơta khat gơboh. Broă lơh “Mpoong ntas sùm jơnau đơs crih chờ hờp” lơh kah wơl bơta ngoh rơngăc mờ nùs nhơm gĭt ưn ngài tềng đăp ală bơta phi să dờng màng bơh rơnàng lòt lài dê, ală cau kòn neh phi să nàng tàm pơ gơl ai geh lơngăp lơngai is, khat gơboh ai jơi bơtiàn in.