Củ tịc lơgar ồng Lương Cường tus mờ geh jơnau đơs tàm pơrjum tơnkah. Jào gai lòng Hồ Chí Minh ai mpồl Ling klàng làng bol sền gàr is mờ geh jơnau đơs tàm dơ̆ pơrjum, ala măt kwang đơng lam Đảng, Dà lơgar Củ tịc lơgar ồng Lương Cường đơs loh, Đảng mờ Dà lơgar he jơh nùs sền kwơ mờ lơh jăt jăt gùng dà bơ̆t bơtàu broă gùt làng bol sền gàr dà lơgar, bơta pràn tam dră làng bol pơgồp bal mờ bơ̆t bơtàu bơta lơngăp lơngai làng bol, bơta pràn tam dră lơngăp lơngai làng bol mờ “bơta pràn nùs nhơm làng bol” kơl jăp.

Củ tịc lơgar ồng Lương Cường sồr ală kấp, ală gah lơh broă bơh Dà lơgar tus tàm ală tiah; Quân ủy Dà lơgar, Ƀộ Ling klàng pơn jăt tai sền gròi bơcri priă mờ gàr bơta niam ngan ai mpồl ling klàng làng bol sền gàr is in lơh broă geh cồng nha rơlao, pơgồp bal tàm broă gùt Đảng, gùt làng bol, gùt ling klàng ai dà lơgar kơ̆ kơl jăp mŭt tàm rài pa-rài bơtàu tơnguh pas gơs, pràn kơl dang bơh jơi bơtiàn dê.