Tàm dơ̆ wă, Củ tịc lơgar ồng Lương Cường đơs nền Việt Nam sền dờng màng mờ kơ̆p kờñ lơh jrô ơnàng làm uă rlau tai bơta gĭt gơ̆p lơh bơyô bal mờ lơh broă bal uă bơta mờ lơgar Kenya. Jat tàm ală bơta pin dờn cíñ trị đah Việt Nam mờ Kenya, Củ tịc lơgar ồng Lương Cường sồr 2 gah lơh ngan lơh jat geh ngan mờ lơh ngan ngồn ală bơta ƀuơn bơta pràn dờng màng tàm ală gah geh bơta ƀuơn, bơta pràn, is ồn là bơcri priă, kă bro phan, lơh broă sa suơn sre mờ lòt nhơl.

Bè lơh broă bal sền gàr Dà lơgar, Củ tịc lơgar sồr 2 Ƀộ Ling klàng kơlôi sơnơng, sơlơ tơnguh tai lơh broă bal bè lơh sa mờ măi mok sền gàr dà lơgar, drơng broă, ling klàng lơh sơnơm, tam pà bal mờng chài tus bal broă lơh sền gàr ring lơngai Liên hợp quôk.