Củ tịc lơgar đơs nền Việt Nam sùm sền Asean là ai lơh lài  broă lơh kwơ màng tàm broă lơh cribơyai broă mờ lơgar ndai mờ sùm pơnđơl pràn lơh ngan jơh nùs he dê bal mờ ală lơgar Asean bơt bơtàu Mpồl bơtiàn Asean tam klăc bal, kơ̆ kơl jăp pràn kơl dang, geh gơnoar, geh bơngă ngai sơlơ uă tàm dunia.

Củ tịc lơgar kung đơs nền Việt Nam kờñ lơgar Malaysia at gơnoar broă geh cồng nha gơnoar broă dờng Củ tịc Asean nam 2025 mờ chờ gờm Malaysia pơn jat tai tề lam Asean lơh geh ală cồng nha dờng màng, wèt tus dùl Asean “Kơ̆ kơl jăp mờ Tơrgùm bal”, jat di mờ tơngume bơh Asean dê. Củ tịc lơgar đơs sùm, tàm tơngai tam lơh, kal ke, gơlik geh kal ke tàm uă tiah, ală lơgar tàm mpồl Asean pal pơn jat tai tàm sơm bat tê bal gàr niam tiah ơm kis ring lơngai drơng broă bơtàu tơnguh; sơlơ tơnguh tai tam klăc kơ̆ rlau tai mờ đah ală lơgar.