Củ tịc lơgar ồng Lương Cường wă rò Tổng Ƀí thư, Củ tịc lơgar Lo ồng Tập Cận Bình còp ngan ngồn lơgar Việt Nam
Thứ ba, 09:07, 15/04/2025
Cau mblàng: K'Duẩn/VOV
Cau mblàng: K'Duẩn/VOV
VOV4.K'Ho- Drim òr (14/04), Củ tịc lơgar ồng Lương Cường lòt tus ƀlàng rơndeh par ală lơgar Nội Bài wă rò Tổng Ƀí thư, Củ tịc lơgar ồng Tập Cận Bình mờ Mpồl cau ala mat kâp dờng lơgar Lo còp kâp dà lơgar tus lơgar Việt Nam.
Dơ̆ lòt còp cèng bơta pơrya mờ cèng rùp pơn rơ kuơmàng ngan gơ wèt mờ bơta git gơp đah 2 lơgar, bơh hơ̆ pơn jat tai gàr sùm gùng dà bơtàu tơnguh niam, lơh gơ rề pràn kơldang tus ală kâp, ală gah broă lơh, ală rơnàng làng bol, lơh gơlik nùs nhơm lơh broă bal duh hồl, geh cồng nha, ngan ngồn.
Mho ngai òr (14/04), Tổng Ƀí thư ồng Tô Lâm neh đơng lam dơ̆ wă rò. Tơnơ̆ dơ̆ wă rò, Tổng Ƀí thư ồng Tô Lâm pơrjum bơyai mờ Tổng Ƀí thư, Củ tịc lơgar Lo ồng Tập Cận Bình. Bàr gah neh geh uă broă lơh kuơmàng mờ kĭ uă sră nggal lơh broă bal tàm dồ ròt ală broă ai lơh broă bal ngan ngồn tàm jơh ală bơta, lơh geh uă cồng nha ngan ngồn mờ bơta niam pa.
Viết bình luận