Tàm dơ̆ wă, bàr nă kwang đơng lam bồ đơs sùm, ală dơ̆ cribơyai, tìp mat geh bơta lơh sùm tàm ală kấp, ngan là kwang bàng kấp dờng tơngŏ bơta pin dờn cíñ trị đah 2 lơgar, là broă lơh nàng sơlơ tơnguh tai lơh broă bal tàm ală gah ndai; đơs là 2 gah pal pơn jat tai lơh ngan nàng gàr niam mờ lơh pràn khà gơguh mhar ngan bơh kă bro phan đah 2 gah dê, mơkung ngui uă ngan rlau hơh ală bơta ƀuơn, bơta pràn mờ mờng chài lơh broă bal đah 2 lơgar dê tàm 75 nam do nàng ai bơta gĭt gơ̆p tàm ală gah ndai mut lơh broă jrô ơnàng làm uă, geh ngan, geh cồng nha, geh kwơ bal.

Bàr kwang đơng lam bồ ring bal tàm tơngai tus rơ̆p pơn jat tai sơlơ tơnguh tai lơh broă bal gah niam chài, tìp mat lơh kwèng làng bol, is ồn là đah rơnàng kơnòm să 2 lơgar dê nàng kờñ sơlơ tơnguh tai bơta gĭt wă bal mờ gơ̆p.