Adăt Ai lơh jăt sră nggal cih tơngume kơrnoăt boh lam gam ngui tŭ do geh 173 bơta, Jơnau rơcăng cih Adăt yal mờ Quôk hội in tàm Dơ̆ pơrjum do mìng gam 72 bơta, gơmù 101 bơta. Jăt tàm nùs nhơm lơh kơrnoăt boh lam jăt gùng dà ală broă gơ wèt gơnăp gơnoar bơh Quôk hội dê den Quôk hội cih, ală broă gơ wèt gơnăp gơnoar bơh Cíñ phủ dê, den Cíñ phủ rơ̆p cih, Củ tịc Quôk hội đơs sùm, broă lơh wơl Adăt Ai lơh jăt sră nggal cih tơngume kơrnoăt boh lam là broă tờm ai broă lơh ală adăt pa in, kung bè tam gơl wơl, bơtơl ală adăt pal di gơnăp gơnoar.

Củ tịc Quôk hội ai 5 broă tờm tàm lơh wơl adăt, tàm hơ̆ wèt tus tơngguh tai gơnoar broă anih lơh broă dan dê tàm broă kong kơnòl tus jơh, is ồn là kơnòl bơh ală ƀộ trưởng, lam bồ gah dê. Củ tịc Quôk hội ồng Trần Thanh Mẫn đơs là, dilah Adăt geh ring bal tàm dơ̆ pơrjum do, rơ̆p ai tơl bơta ai broă lơh, lơh sir kơrnoăt boh lam tàm nam 2025 mờ ai tơl bơta ai tơngai lơh broă Quôk hội khoă XVI, tơngai lơh broă bơh nam 2026- 2031 in.