Củ tịc Quốk hội đơs niam, ală nam do, Đại họk Cần Thơ neh sền kwơ tus mờ bơta jăk bơto bơh ală cau pơgru, geh khà giáo sư lam lài ngan tàm ală hìu bơsram đại họk dê.

Mờ sồr tơnkah, Đại họk Cần Thơ ờ mìng bơtàu tơnguh mpồl kwang bàng, cau pơgru ai să tờm dê mờ gam bơtàu tơnguh mpồl ală hìu bơsram đại họk ndai tàm tiah do in; broă bơto geh sền gròi tus mờ cau lơh broă nàng bơtàu tơnguh ai tiah do in, mơya kung pal kơlôi tus mờ broă bơto cau pơgru nàng drơng ai broă tam gơl pa broă bơto bơtê mờ bơsram in; lơh gơs broă lơh, broă geh ai tàm dơlam is, sền gròi bơ̆t bơtàu gùng dà broă lơh nàng ală cau jăk ai tơngŏ geh jơnau đơs tờm, ai geh bơta chờ nàng ală cau jăk in. Hìu bơsram Đại họk Cần Thơ pal bơto ală jơnau đơs dà lơgar ndai bè dà Khmer, Lào ai kwang bàng, kông cứk tàm Tiah ring dà dờng Cửu Long in; tơnguh gah broă jăk chài ngui tàm broă lơh sa suơn sre nàng lơh pràn broă lơh mờ tăc phan mờ lơgar bơdìh.