Kờp dŭ tàm dơ̆ lòt còp ngan ngồn lơgar Kộng hoà Armenia, Củ tịc Quôk hội ồng Trần Thanh Mẫn geh ală dơ̆ tìp mat kấp dờng, pơrjum bơyai kấp dờng mờ đơng lam bồ kấp dờng bơh lơgar Armenia dê. Củ tịc Quôk hội wă Mpồl Nghị sìh Lơh bơyô bal lơgar Armenia - Việt Nam; còp Hìu bơsram Đại họk tơrgùm bal Dà lơgar Yerevan; Tus bal pơrjum Mpồl lơh sa kă bro Việt Nam mờ Armenia.

Dơ̆ lòt còp bơh Củ tịc Quôk hội ồng Trần Thanh Mẫn mờ pơ ùr bal mờ Mpồl kwang bàng kấp dờng lơgar Việt Nam tus lơgar Armenia ờ mìng nàng kờñ lơh kơ̆ kơl jăp tai bơta gĭt gơ̆p cíñ trị, Nghị viện lơm mờ gam pờ geh tŭ tơngai niam sơlơ tơnguh tai lơh broă bal lơh sa, kă bro phan mờ bơcri priă – gah mờ jơh bal 2 Dà lơgar ndrờm geh bơta ƀuơn, bơta pràn dờng ngan nàng bal mờ gơ̆p lơh jat; sơlơ tơnguh tai lơh broă bal tàm tơl bơta đah ală Ƀộ, mpồl, gah broă ală tiah bơh 2 lơgar dê nàng kờñ lơh niam rlau tai nùs nhơm lơh bơyô ờs mờng đah làng bol 2 lơgar dê, sền gĭt, ală gùng dà broă lơh mờ broă lơh tơnguh uă cồng nha lơh broă bal geh kwơ bal đah 2 gah dê.