Ală măt kwang đơng lam Đảng, Dà lơgar, Quốk hội, Củ tịc Quốk hội ồng Trần Thanh Mẫn pơyoa tus ală cau ling sồt să, cau ling kòp tê jê să, hìu nhă cau geh sră dong kờl bơh dà lơgar, cau geh màng mờ dà lơgar jơnau chờ gờm pràn kơl dang, jơnau còp să bal mờ nùs nhơm ưn ngài uă ngan.

Đơs tờm tus mờ nùs nhơm tam klăc bal tơnơ̆ mờ tŭ tơrmŭt bal 2 càr, Củ tịc Quốk hội sồr càr Thái Nguyên pal dùl nùs bal, tam klăc bal nàng drơng broă làng bol in, lơh pràn broă bơtàu tơnguh tàm tơngai tus, rơcang Pơrjum Dờng Đảng ƀộ kấp sàh, sơnah ƀòn lơh gơs lài mờ ngai 31-8-2025, Pơrjum dờng Đảng ƀộ kấp càr lài mờ ngai 31 nhai 10 nam 2025, rơcang tĕ khà cau ala măt Quốk hội khoă XVI mờ cau ala măt mpồl duh broă làng bol ală kấp tơngai lơh broă bơh nam 2026 tus 2031.